QR Code

امام خمینی ٹرسٹ کے زیر اہتمام 25 جوڑوں کی اجتماعی شادی کی تقریب

21 Mar 2011 21:20

اسلام ٹائمز:شادی میں فی جوڑے کو 50 ہزار روپے کا گھریلو ضروری سامان دیا گیا، علامہ افتخار حسین نقوی نے نکاح پڑھایا اور بتایا کہ اجتماعی شادیوں کا سلسلہ پاکستان میں پہلی مرتبہ شروع کر نے کا اعزاز بھی امام خمینی ٹرسٹ کو ہی حاصل ہے

خانپور:اسلام ٹائمز۔خانپور کے نواحی علاقہ ظاہر پیر میں 25 جوڑوں کی اجتماعی شادی کی تقریب ہوئی۔ شادی میں فی جوڑے کو 50 ہزار روپے کا گھریلو ضروری سامان دیا گیا۔ تحصیل خانپور کٹورا کے نواحی علاقہ ظاہر پیر میں 25 جوڑوں کی اجتماعی شادی کی تقریب منعقد ہوئی۔ شادی کی تقریب کا اہتمام امام خمینی ٹرسٹ نے کیا۔ اس سے قبل ٹرسٹ کے زیر اہتمام 539 شادیوں کی تقریب منعقد کی جا چکی ہیں۔ تقریب میں فی جوڑے کو 50 ہزار روپے کا گھریلو ضروری سامان جہیز کی شکل میں دیا گیا۔ علامہ افتخار نقوی نے نکاح پڑھایا اور بتایا کہ اجتماعی شادیوں کا سلسلہ پاکستان میں پہلی مرتبہ شروع کر نے کا اعزاز بھی امام خمینی ٹرسٹ کو ہی حاصل ہے۔ 
اس موقع پر وفاقی پارلیمانی سیکرٹری پلینگ اینڈ ڈویلپمنٹ عبدالستار نے کہا کہ بینظیر انکم سپورٹ پروگرام کا دائرہ بڑھاتے ہوئے مفلس اور غریب والدین کی مالی امداد کی جائے گی۔ تقریب میں اہل علاقہ نے بڑی تعداد میں شرکت کی اور دلہنوں کو دعاؤں سے رخصت کیا۔

خبر کا کوڈ: 60823