اسلام ٹائمز۔ چیف کیپٹل سٹی پولیس آفیسر پشاور محمد طاہر خان کی ہدایت پر ایس ایس پی آپریشنز سجاد خان کی نگرانی میں پشاور پولیس نے سماج دشمن عناصر کے خلاف کینٹ سرکلز کے تھانہ حیات آباد اور رورل سرکلز کے تھانہ متھرا کی حدود میں سرچ اینڈ سٹرائیک آپریشن کرتے ہوئے مجرموں کےٹھکانوں پر چھاپے مارے۔ چھاپوں کے دوران 46 جرائم پیشہ، مشتبہ افراد و منشیات فروش جبکہ سکیورٹی انتظامات نہ کرنے پر 72 افراد کو گرفتار کرکے جن کے قبضے سے 2 عدد بندوق، 4 عدد پستول، 101 عدد مختلف کارتوس، 95 گرام چرس اور 2 بوتل شراب برآمد کرکے ملزمان کے خلاف مختلف مقدمات درج کرلئے گئے۔