وزیراعظم اور صدر کیجانب سے چارسدہ حملے کی مذمت

اسلام ٹائمز۔ وزیراعظم نواز شریف نے کہا ہے کہ دہشتگرد عناصر کے خلاف جنگ جاری رہے گی۔ انہوں نے حملہ ناکام بنانے پر قانون نافذ کرنے والے اداروں کے کردار کو سراہا۔ تفصیلات کے مطابق  وزيراعظم نے اپنے بیان میں چارسدہ حملے کی مذمت کرتے ہوئے مزید کہا کہ ہم ایسے بزدلانہ حملوں سے گھبرانے والے نہیں، حکومت دہشتگرد عناصر کے خلاف جنگ جاری رکھے گی۔ صدر مملکت ممنون حسین نے حملے میں شہید ہونے والے افراد پر اظہار افسوس کیا اور دہشتگرد حملوں کی مذمت کی۔ انہوں نے کہا کہ بزدلانہ حملے دہشتگردی کے خلاف جنگ میں ہمارے عزم کو متزلزل نہیں کرسکتے۔