اسلام ٹائمز۔ افغانستان کے صوبہ کنڑ سے دہشتگردوں نے پاکستانی چیک پوسٹ پر حملہ کیا، جس سے ایک اہلکار زخمی ہوگیا ہے۔ نجی ٹی وی کے مطابق افغان صوبہ کنٹر سے شدت پسندوں کی جانب سے پاکستانی پوسٹ پر فائرنگ کی گئی، جس کے نتیجے میں ایک پاکستانی اہلکار زخمی ہوگیا۔ حملے کے بعد پاکستانی فورسز نے بھرپور جوابی کارروائی کی، پاکستان نے افغان شدت پسندوں کی جانب سے فائرنگ کی شدید مذمت کی ہے اور معاملہ سفارتی سطح پر اٹھانے کا فیصلہ کیا ہے۔