ایم کیو ایم لندن کے یونٹ آفس 164 سے بڑی تعداد میں اسلحہ برآمد

اسلام ٹائمز۔ شہر قائد کے علاقے لیاقت آباد میں کارروائی کے دوران سندھ رینجرز نے ایم کیو ایم لندن کے دفتر میں چھپایا گیا اسلحہ برآمد کرلیا۔ تفصیلات کے مطابق رینجرز نے کراچی کے علاقے لیاقت آباد نمبر چار میں واقع ایم کیو ایم لندن کے یونٹ آفس 164 میں اسلحہ کی موجودگی کی اطلاع ملنے پر فوری کارروائی کرکے اسلحہ برآمد کرلیا۔ رینجرز کے مطابق برآمد کئے گئے اسلحے میں 3 ٹرپل ٹو رائفل، 3 ایس ایم جیز، ایک جی تھری، 8 پستول اور ایس ایم جیز کے 1800 راؤنڈز شامل ہیں۔ رینجرز کے مطابق ایم کیو ایم لندن کے دفتر میں چھپایا گیا اسلحہ شہر میں دہشتگردی اور ٹارگٹ کلنگ کیلئے استعمال کیا جانا تھا۔