اسلام ٹائمز۔ اندرون سندھ سرکاری نوکری کے نام پر شہریوں کے ساتھ چھ کروڑ کا فراڈ، سو افراد کو رقم سے محروم کر دیا۔ تفصیلات کے مطابق اندرون سندھ کے علاقے نواب شاہ میں نوکری کا جھانسا دے کر چھ کروڑ اینٹھ لئے گئے، سو افراد کو سبز باغ دکھا کر جعلی آفر لیٹر بھی تھما دیئے، متاثرین کو دو ماہ تک مخصوص اکاؤنٹس سے تنخواہ بھی ملی۔ ملزمان کے خلاف نوابشاہ اور نوشہرو فیروز میں پرچہ کٹ گیا۔ پولیس کا کہنا ہے کہ گروہ کے پانچ افراد ضمانت پر ہیں۔ متاثرین کہتے ہیں کہ رقم واپس کرانے کے ساتھ ملزمان کو جیل کی ہوا بھی کھلائی جائے۔