اسلام ٹائمز۔ اورکزئی ایجنسی کی اٹھارہ اقوام نے مردم شماری کے خلاف احتجاجی مظاہرہ کے دوران مردم شماری کے مکمل بائیکاٹ کا اعلان کر دیا۔ مظاہرین کا کہنا تھا کہ خانہ شماری اور مردم شماری میں اورکزئی ایجنسی کو فرسٹ فیز میں رکھا گیا ہے، جو کہ سراسر ناانصافی ہے۔ مظاہرین کا کہنا تھا کہ متاثرین کی واپسی کو یقینی بنایا جائے، جس کے بعد مردم شماری کی جائے، فارم میں متاثرین کا اضافی خانہ ڈالا جائے اور تین مقامات پر کیمپ بنائے جائیں۔ بصورت دیگر مردم شماری کسی صورت نہیں ہونے دیں گے۔