اسلام ٹائمز۔ وزیر دفاع خواجہ محمد آصف نے اسلام آباد میں میڈیا سے گفتگو کرتے ہوئے کہا ہے کہ سعودی عرب میں پاک فوج کی بریگیڈ بھجوانے کی خبروں میں کوئی صداقت نہیں ہے۔ اسلام آباد میں وزیردفاع کا میڈیا سے گفتگو کرتے ہوئے کہنا تھا کہ سعودی عرب کے ساتھ پاکستان کا 1982 سے ایک معاہدہ ہوچکا ہے، جس کے تحت ہمارے ایک ہزار فوجی وہاں موجود ہیں۔ ان کا کہنا تھا کہ یمن کے معاملے میں پاکستان کی جانب سے کسی قسم کی مداخلت نہیں کی جا رہی، پاکستان دنیا میں امن کا علمبردار ہے اور اسلامی ممالک کے درمیان جو بھی اختلافات موجود ہیں ان کو مصالحت اور مفاہمانہ پالیسی کے تحت دور کرنے کیلئے تیار ہیں۔