QR Code
پیپلز پارٹی نے مردم شماری کے طریقہ کار کو سندھ ہائی کورٹ میں چیلنج کردیا
20 Mar 2017 14:46
درخواست میں موقف اختیار کیا ہے کہ مردم شماری کو وقتی طور پر روک کر حکومت تمام طبقات کے تحفظات کو دور کرے کیونکہ مردم شماری پر حکومت نے صوبوں کے شکوک و شبہات دور نہیں کئے تو یہ ملک اور فیڈریشن کے لئے اچھا نہیں ہوگا۔
اسلام ٹائمز۔ پیپلز پارٹی نے مردم شماری کے طریقہ کار کو سندھ ہائی کورٹ میں چیلنج کردیا، وفاقی حکومت اور ادارے شماریات کو فریق بنایا گیا ہے۔ تفصیلات کے مطابق پیر کے روز پیپلز پارٹی کے سینیٹر فرحت اللہ بابر نے سندھ ہائی کورٹ میں مردم شماری کے طریقہ کار کو چیلنج کرتے ہوئے درخواست دائر کی ہے، درخواست میں موقف اختیار کیا ہے کہ مردم شماری کو وقتی طور پر روک کر حکومت تمام طبقات کے تحفظات کو دور کرے کیونکہ مردم شماری پر حکومت نے صوبوں کے شکوک و شبہات دور نہیں کئے تو یہ ملک اور فیڈریشن کے لئے اچھا نہیں ہوگا، بلوچستان اور خیبرپختونخوا مردم شماری پر اپنے تحفظات کا اظہار کر چکے ہیں اور پیپلز پارٹی کا بنیادی مطالبہ ہے کہ مردم شماری میں شفافیت ہونی چاہیئے۔
خبر کا کوڈ: 619882
اسلام ٹائمز
https://www.islamtimes.org