اسلام ٹائمز - سرگودھا میں ڈاکوؤں کا 8 رکنی گروہ گرفتار

ڈاکوؤں کا گروہ مختلف شاہراہوں پر شہریوں سے گاڑیاں چھینتا تھا۔ پولیس کی خصوصی انوسٹی گیشن ٹیم نے تفتیش شروع کردی ہے۔

اسلام ٹائمز۔ سرگودھا کے مختلف علاقوں میں کارروائی کے دوران ڈاکوؤں کا 8 رکنی گروہ گرفتار کرلیا گیا ہے۔ گرفتار ڈاکوؤں کا گروہ پنجاب کے مختلف علاقوں میں قتل، ڈکیتی سمیت دیگر وارداتوں میں ملوث تھا۔ ایس پی بلال افتخار نے تھانہ صدر میں پریس کانفرنس کرتے ہوئے بتایاکہ محکمہ پولیس کے آئی ٹی ڈپارٹمنٹ نےجدید ٹیکنالوجی استعمال کرتے ہوئے ڈاکوؤں کے گروہ کو گرفتار کرلیا ہے۔ گرفتار ڈاکوؤں کے قبضہ سے گاڑیوں کی جعلی نمبر پلیٹیں، جعلی ڈرائیونگ لائسنس اورناجائز اسلحہ برآمد کیاگیا ہے۔ ڈاکوؤں کا گروہ مختلف شاہراہوں پر شہریوں سے گاڑیاں چھینتا تھا۔ پولیس کی خصوصی انوسٹی گیشن ٹیم نے تفتیش شروع کردی ہے۔