اسلام ٹائمز۔ پیپلز پارٹی خواتین ونگ مظفرآباد کی صدر شگفتہ نورین کاظمی نے مقبوضہ کشمیر کے اندر جاری ظلم و بربریت کی مذمت کرتے ہوئے کہا ہے کہ تقسیم کشمیر کی کسی بھی سازش کو کامیاب نہیں ہونے دیں گے۔ کشمیری عوام 70سال سے اپنے بنیاد ی حق کے لئے قربانیاں دے رہے ہیں۔ گلگت بلتستان ریاست جموں و کشمیر کا حصہ ہے جسے کسی صورت الگ نہیں کیا جاسکتا۔ صوبہ بنانے کی باتیں کرنے والے کشمیریوں کی قربانیوں کا مذاق اُڑا رہے ہیں۔