گورنر خیبر پی کے کا پارا چنار میں معصوم شہریوں کی شہادت پر گہرے دکھ کا اظہار

اسلام ٹائمز۔ گورنر خیبر پختونخوا انجینیئر اقبال ظفر جھگڑا نے پاراچنار میں بم دھماکے کی شدید الفاظ میں مذمت کی اور اس میں معصوم شہریوں کی شہادت پر گہرے دکھ اور افسوس کا اظہار کیا ہے۔ گورنر نے پولیٹیکل انتظامیہ کو جائے حادثہ پر امدادی کارروائیاں تیز اور زخمیوں کو فوری طبی امداد کیلئے قریبی ہسپتالوں کو منتقل کرنے کی ہدایت کی ہے۔ انہوں نے ہسپتال انتظامیہ کو بھی ہدایت کی ہے کہ زخمیوں کو تمام تر طبی سہولیات فراہم کی جائیں۔ گورنر نے مزید کہا کہ ملک کو فسادیوں سے پاک کرکے ہی دم لیں گے۔ گورنر نے بم دھماکے میں جاں بحق افراد کے لواحقین کے ساتھ گہرے ہمدردی ظاہر کرتے ہوئے شہداء کے درجات کی بلندی اور زخمیوں کی جلد صحتیابی کیلئے نیک تمناؤں کا اظہار کیا ہے۔