ایل او سی پہ بھارتی جارحیت جاری، ایک شخص زخمی

اسلام ٹائمز۔ آئی ایس پی آر نے کہا ہے کہ ایل او سی پر بھارتی افواج کی جانب سے ایک بار پھر بلااشتعال فائرنگ کی گئی، جس کا پاک فوج نے بھرپور جواب دیا ہے۔ پاک فوج کے ادارہ برائے تعلقات عامہ (آئی ایس پی آر) کے مطابق بھارتی فوج نے چری کوٹ سیکٹر میں بلااشتعال فائرنگ کی، جس کے باعث ایک شہری زخمی ہو گیا ہے تاہم پاک فوج کے بھر پورجواب نے بھارتی بندوقوں پر خاموشی طاری کروا دی۔ دوسری جانب دفتر خارجہ کا کہنا تھا کہ ایل او سی پر بھارتی فوج کی بلا اشتعال فائرنگ اور نہتے شہریوں کو نشانہ بنانے کی مذمت کرتے ہیں، بھارت خطے کے امن کو خطرے میں نہ ڈالے۔