اسلام ٹائمز۔ جماعۃ الدعوۃ اسلام آباد کے مسئول مولانا شفیق الرحمن نے کہا ہے کہ نریندر مودی کے دورہ کشمیر پر وادی کو جیل میں تبدیل کر کے انسانی حقوق کی سنگین خلاف ورزی کی گئی۔ ان خیالات کا اظہار انھون نے یہاں تقریب سے خطاب کرتے ہوئے کیا۔ انھوں نے کہا کہ بھارتی وزیراعظم کے دورہ کشمیر پر پوری کشمیری قوم سراپا احتجاج ہے۔ کشمیری آزادی کے سوا کوئی پیکج قبول نہیں کریں گے، آزادی کے سوا کشمیریوں کا کوئی مطالبہ نہیں ہے۔ بھارت فوجی طاقت کے استعمال میں ناکامی کے بعد معاشی لالچ کے ذریعے کشمیریوں کو ورغلانا چاہتا ہے لیکن آزادی کی یہ تحریک تیسری نسل کو منتقل ہو چکی ہے جو کسی صورت کمپرومائز کرنے کے لیے تیار نہیں۔