اسلام ٹائمز۔ خیبر پختونخوا صوبائی اسمبلی کے رکن ضیاءاللہ آفریدی نے وزیراعلٰی پرویز خٹک کے خلاف قراداد پیش کی ہے۔ قرارداد میں رکن اسمبلی نے موقف اپنایا ہے کہ احتساب کمیشن کے سابق ڈی جی نے وزیراعلٰی پر کرپشن کے الزامات عائد کئے تھے، لہٰذا تحریک انصاف کے چیئرمین اپنے ویژن کے مطابق ان کے خلاف کارروائی کریں، جس کے مکمل ہونے تک انہیں وزارت اعلٰی کے عہدے سے ہٹایا جائے۔ ضیاءاللہ آفریدی صوبائی حکومت پر احتساب کمیشن کو اپنے مقاصد کیلئے استعمال کرنے کا الزام بھی عائد کرتے ہیں۔