اسلام ٹائمز۔ ڈیرہ اسماعیل خان میں تھانہ صدر کی حدود شورکوٹ کے قریب کھیتوں سے 2 افراد کی گولیوں سے چھلنی لاشیں برآمد ہوئی ہیں۔ پولیس کے مطابق مقتولین کی شناخت سمیع اللہ اور ارشاد کے ناموں سے ہوئی ہے، جبکہ جائے وقوعہ سے شواہد اکٹھے کرکے لاشوں کو پوسٹ مارٹم کیلئے مردہ خانہ منتقل کر دیا گیا ہے۔ پولیس کے مطابق ابتدائی طور پر واقعہ ذاتی دشمنی کا شاخسانہ معلوم ہوا ہے، تاہم مقتولین کے ورثاء کی جانب سے رابطہ کرنے پر مقدمہ میں ملزمان کو نامزد کیا جائے گا۔