اسلام ٹائمز۔ انسپکٹر جنرل آف پولیس خیبر پختونخوا صلاح الدین خان نے بدعنوانی اور اختیارات کے ناجائز استعمال کی شکایات پر ایس ڈی پی او شبقدر فیاض خان کو معطل کرکے ان کے خلاف انکوائری شروع کرنے کے احکامات جاری کر دیئے۔ سنٹرل پولیس آفس پشاور سے جاری اعلامیے کے مطابق ایس ڈی پی او کے خلاف کارروائی عوامی شکایات پر کی گئی ہے، جبکہ مزید محکمانہ کارروائی کیلئے معطل ہونے والے ایس ڈی پی او کے رویئے اور کارکردگی کے بارے میں عوام سے بھی معلومات لی جائیں گی۔