0
Saturday 13 May 2017 17:09

کراچی، مصطفٰی کمال نے وزیراعلیٰ ہاؤس تک پُرامن ملین مارچ کی کال دیدی

کراچی، مصطفٰی کمال نے وزیراعلیٰ ہاؤس تک پُرامن ملین مارچ کی کال دیدی
اسلام ٹائمز۔ پاک سرزمین پارٹی کے چیئرمین مصطفٰی کمال نے کراچی میں وزیراعلیٰ ہاؤس تک پُرامن مارچ کی کال دے دی۔ تفصیلات کے مطابق کراچی میں پی ایس پی کے رہنماؤں کے ساتھ پریس کانفرنس کرتے ہوئے پاک سرزمین پارٹی کے سربراہ مصطفیٰ کمال نے شہر قائد کے مسائل پر بڑے احتجاج کا اعلان کر دیا۔ انھوں نے دعویٰ کیا کہ شارع فیصل پر چودہ مئی کو لاکھوں لوگ جمع کریں گے اور وزیراعلیٰ ہاؤس تک پُرامن مارچ کریں گے۔ انھوں نے کہا کہ عوام کے سامنے اپنے سولہ مطالبات پیش کریں گے۔ پریس کانفرنس میں مصطفٰی کمال نے واضح کیا ہے کہ اب رحمان ملک کا زمانہ نہیں رہا کہ جب دو کپ چائے کی پیالی پر سب اچھا کی رپورٹ دی جاتی تھی، اب کراچی والوں کے حقوق دینے ہوں گے۔ انھوں نے کہا کہ شہری اداروں پر صوبائی حکومت نے قبضہ کر لیا ہے، اگر سولہ مطالبات نہ مانے گئے تو کراچی رہنے کے قابل نہ رہے گا اور لوگ نقل مکانی کر جائیں گے۔
خبر کا کوڈ : 636403
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش