اسلام ٹائمز۔ ڈیرہ اسماعیل خان میں ڈپٹی کمشنر عادل اقبال اور ڈسٹرکٹ فوڈ کنٹرولر کے اہلکاروں نے کارروائی کرتے ہوئے پنجاب سے لائے جانے والے مضر صحت دودھ کے 4 ٹینکر پکڑ لئے۔ انظامیہ کے مطابق تقریباََ 65 ہزار لیٹر دودھ تلف کر دیا گیا، جس کی مالیت 70 لاکھ روپے بتائی جاتی ہے۔ ضلعی انتظامیہ نے عوام کو معیاری اشیائے خوردونوش کی فراہمی کی یقین دہانی کرائی۔ ڈپٹی کمشنر ڈیرہ نے ملزمان سے ابتدائی تفتیش کرنے کے بعد میڈیا کو بتایا کہ اس دودھ کی سپلائی پچھلے 7 سال سے جاری ہے اور ماہ رمضان میں افطار کے اوقات میں یہ اندرون شہر لایا جاتا تھا۔