کے پی کے حکومت کا عید سے قبل سرکاری ملازمین کو تنخواہیں دینے کا فیصلہ

اسلام ٹائمز۔ خیبر پختونخوا حکومت نے عید سے قبل تمام سرکاری ملازمین کو تنخواہ دینے کا اعلان کیا ہے، اس سلسلے میں نوٹیفیکیشن بھی جاری کر دیا گیا ہے۔ تفصیلات کے مطابق وزیراعلٰی کے پی کے پرویز خٹک کی ہدایت پر محکمہ خزانہ نے عید سے قبل سرکاری ملازمین کو تنخواہیں دینے کا نوٹیفیکیشن جاری کر دیا ہے۔ نوٹیفکیشن میں کہا گیا ہے کہ سرکاری ملازمین کی جون کی تنخواہ اور پنشن 20 جون تک بنک اکاؤنٹس میں منتقل کر دی جائے گی، تنخواہ جلد دینے کا فیصلہ عیدالفطر کی وجہ سے کیا گیا۔