خیبر پی کے میں طوفانی بارشوں کی پیشنگوئی، متعلقہ اداروں کو الرٹ جاری

اسلام ٹائمز۔ پرونسل ڈیزاسٹر منیجمنٹ اتھارٹی خیبر پختونخوا نے محکمہ موسمیات کی جانب سے صوبے میں طوفانی بارشوں کی پیشن گوئی کے بعد متعلقہ اداروں کو الرٹ جاری کر دیا گیا ہے۔ محکمہ موسمیات نے صوبائی دارالحکومت پشاور سمیت صوبہ کے متعدد اضلاع میں طوفانی بارشوں کی پیشن گوئی کی ہے، جس کے بعد پی ڈی ایم اے نے تمام اضلاع کی انتظامیہ کو خصوصی احتیاطی تدابیر اپنانے کی ہدایت کر دی۔ پی ڈی ایم اے کی جانب سے پشاور، مالاکنڈ، ہزارہ، چترال، شانگلہ، سوات، مانسہرہ اور کوہستان کی انتظامیہ کو الرٹ جاری کی گئی ہے، جبکہ ایمرجنسی کی صورت میں 1700 پر رابطہ کرنے کی ہدایت بھی کی گئی ہے۔