0
Wednesday 19 Jul 2017 18:28

فاٹا اصلاحات میں تاخیر کیخلاف قبائلی طلباء کا گورنر ہاؤس کے باہر احتجاجی مظاہرہ جاری

فاٹا اصلاحات میں تاخیر کیخلاف قبائلی طلباء کا گورنر ہاؤس کے باہر احتجاجی مظاہرہ جاری
اسلام ٹائمز۔ فاٹا اصلاحات میں تاخیر کے خلاف قبائلی طلباء کی جانب سے پشاور میں احتجاجی مظاہرہ جاری ہے، جس میں سیاسی، سماجی اور پارلیمانی لیڈرز کی شرکت بھی متوقع ہے۔ فاٹا سٹوڈنٹس آرگنائزیشن کے عہدیداروں کے مطابق مظاہرین قیوم سٹیڈیم سے گورنر ہاؤس تک حقوق قبائل کے نام سے ریلی نکالی اور پھر گورنر ہاؤس کے سامنے دھرنا دیا، جو مطالبات کی منظوری تک جاری رہے گا۔ مطالبات میں سرفہرست ایف سی آر کا خاتمہ، فاٹا کو خیبر پختونخوا میں ضم کرنا، آئندہ عام انتخابات میں قبائلی علاقوں کو صوبائی اسمبلی میں سیٹیں دینا اور دیگر 10 مطالبات شامل ہیں۔ فاٹا سٹوڈنٹس آرگنائزیشن کے عہدیداروں کا کہنا ہے کہ وفاقی حکومت نے گذشتہ 2 سالوں سے قبائلیوں کے ساتھ اصلاحات کے نام پر مذاق شروع کر رکھا ہے، جس کے باعث انہوں نے احتجاج کا راستہ اختیار کر لیا ہے۔ طلباء کا کہنا ہے کہ دھرنے میں پارلیمانی لیڈر الحاج شاہ جی گل آفریدی، شہاب الدین خان، ساجد طوری اور قومی وطن پارٹی کے سربراہ آفتاب احمد خان شیرپاؤ بھی شرکت کریں گے۔ پشاور میں اس وقت فاٹا اسٹوڈنٹس آرگنائزیشن کی جانب سے احتجاجی مظاہرہ جاری ہے، جس میں سینکڑوں افراد شریک ہیں، طلباء نے ہاتھوں سیاہ جھنڈے اور اپنے مطالبات کے حق میں بینرز اٹھا رکھے ہیں۔
خبر کا کوڈ : 654573
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش