اسلام ٹائمز۔ شہر قائد کے علاقے شاہ لطیف ٹاؤن میں مسلح افراد نے فائرنگ کرکے بحرین پولیس کے اہلکار کو ہلاک کر دیا۔ تفصیلات کے مطابق آج صبح شاہ لطیف ٹاﺅن میں غوثیہ ہوٹل کے قریب مسلح افراد نے فائرنگ کرکے افضل خان محسود کو ہلاک کر دیا۔ شاہ لطیف ٹاﺅن پولیس کے مطابق مقتول بحرین پولیس اہلکار تھا اور چھٹیوں پر کراچی آیا تھا۔ قائدآباد مدینہ ٹاﺅن میں پرنس ٹیلر والی گلی کا رہائشی تھا۔ مقتول کو مسلح افراد نے قبائلی دشمنی میں جاں بحق کیا ہے۔