اسلام ٹائمز۔ جماعت اسلامی آزاد جموں و کشمیر کے نائب امیر شیخ عقیل الرحمان نے کہا ہے کہ کشمیری اپنی آزادی اور تکمیل پاکستان کی جنگ لڑ رہے ہیں۔ پاکستان کی سیاست کو آزادکشمیر میں نہ لایا جائے، اہل کشمیر کے لئے پاکستان کے تمام سیاسی قائدین قابل احترام ہیں۔ ان خیالات کا اظہار انہوں نے صحافیوں سے گفتگو کرتے ہوئے کیا۔ انہوں نے کہا کہ جماعت اسلامی مقبوضہ کشمیر کے بھائیوں کو تنہا نہیں چھوڑے گی۔