ہنگو، ہزاروں کارتوس پنجاب سمگل کرنیکی کوشش ناکام

اسلام ٹائمز۔ خیبر پختونخوا کے ضلع ہنگو پولیس نے ایک کارروائی کے دوران ہزاروں کارتوس پنجاب سمگل کرنے کی کوشش ناکام بنا دی، جبکہ 2 ملزمان (میاں بیوی) کو گرفتار کر لیا۔ تھانہ سٹی ہنگو پولیس کے مطابق عبدالعلی چیک پوسٹ پر ایک سوزوکی گاڑی کو تلاشی کے لئے روکا گیا، جس کے دوران گاڑی سے 9 ایم ایم پستول کے 18 ہزار کارتوس برآمد کرکے رحمن گل اور اس کی اہلیہ کو گرفتار کر لیا۔ پولیس کے مطابق ملزمان نے ابتدائی تفتیش کے دوران بتایا کہ وہ یہ کارتوس پنجاب سمگل کر رہے تھے۔