اسلام ٹائمز۔ مسلم لیگ نواز آزادکشمیر کے سینئر رہنما، سابق وزیر سردار محمد نعیم خان نے کہا ہے کہ پاکستان ناقابل تسخیر دفاعی قوت کا حامل ملک ہے، پاکستان کی طرف بھارت میلی آنکھ سے نہیں دیکھ سکتا۔ پاکستان کی سیاسی،سفارتی اور اخلاقی حمایت ہمیشہ کشمیریوں کو حاصل رہی ہے، کنٹرول لائن پر بسنے والے نہتے شہری افواج پاکستان کے شانہ بشانہ کھڑے ہیں۔ حق خودارادیت کا حصول ہی کشمیریوں کی اصل منزل ہے۔ امریکہ تحریک آزادی کشمیر کے رہنمائوں پر دبائو بڑھا کر بھارت کو قبضہ میں مدد نہیں دے سکتا۔ ان خیالات کا اظہار انہوں نے گزشتہ روز میڈیا کے نمائندوں سے گفتگو کرتے ہوئے کیا۔ انہوں نے کہا کہ مستحکم پاکستان کشمیریوں کی آزادی کا ضامن ہے۔