اسلام آباد:
اسلام ٹائمز۔اسلام آباد میں قومی سلامتی کمیٹی کے اجلاس میں ارکان نے کہا کہ دہشتگردی کے خلاف جنگ میں سب سے زیادہ پاکستان کا نقصان ہوا اور المیوں کی نئی داستان رقم ہوئی ہے، مغربی دنیا نوٹس لے۔ انکا کہنا تھا کہ ملک میں عدم استحکام کی وجہ سے سرمایہ کاری رک گئی ہے۔
اجلاس کے بعد میڈیا سے گفتگو میں کمیٹی کے چئیرمین رضا ربانی نے کہا کہ امریکی میڈیا حکومت اور عسکری قیادت کے حوالے سے گمراہ کن پراپیگنڈا کر رہا ہے۔ انکا کہنا تھا کہ حکومت اور عسکری قیادت کے درمیان مکمل ہم آہنگی ہے۔