اسلام ٹائمز۔ خیبر پختونخوا کے ضلع شانگلہ میں پولیس نے لاکھوں روپے مالیت کی شراب سمگل کرنے کی کوشش ناکام بناتے ہوئے ایک ملزم کو گرفتار کر لیا ہے۔ پولیس کے مطابق شانگلہ کے علاقے دندئی میں پولیس نے ناکہ بندی پر ایک ٹرک کی تلاشی کے دوران 600 بوتل شراب برآمد کرکے ملزم ڈرائیور کو گرفتار کر لیا۔ پولیس کا کہنا ہے کہ شراب کی بوتلیں چائنہ کے خوراکی سامان میں چھپائی گئی تھیں، جنہیں گلگت سے اسلام آباد منتقل کیا جا رہا تھا۔ گرفتار ملزم خورشید کا تعلق مانسہرہ سے ہے، جس سے مزید تفتیش جاری ہے۔