QR Code
کراچی سمیت سندھ بھر ميں عيدالاضحیٰ کے موقع پر سيکيورٹی انتظامات مکمل
1 Sep 2017 19:06
صوبائی وزیر داخلہ سہیل احمد سیال نے اس حوالے سے حکم دیتے ہوئے کہا کہ عيد کے موقع پر فول پروف سيکيورٹی انتظامات کو يقينی بنايا جائے، کھاليں جمع کرنے کے ضابطہ کار پر سختی سے عملدرآمد کرايا جائے، تمام صورتحال کو خود مانٹير کروں گا، جبکہ لمحہ بہ لمحہ صورتحال سے آگاہ کيا جائے گا۔
اسلام ٹائمز۔ وزير داخلہ سندھ سہیل انور سیال کی جانب سے منظوری کے بعد عیدالاضحیٰ کیلئے تشکیل دیئے گئے سیکیورٹی پلان کو حتمی شکل دے دی گئی۔ تفصیلات کے مطابق وزير داخلہ سندھ سہیل انور سیال نے عيد کے سيکيورٹی پلان کی منظوری دے دی، جس کے بعد کراچی سمیت سندھ بھر ميں عيد کے سيکيورٹی انتظامات کو حتمی شکل دے دی گئی۔ وزير داخلہ سندھ نے اس حوالے سے حکم دیتے ہوئے کہا کہ عيد کے موقع پر فول پروف سيکيورٹی انتظامات کو يقينی بنايا جائے، کھاليں جمع کرنے کے ضابطہ کار پر سختی سے عملدرآمد کرايا جائے، کسی کو زبردستی کھاليں جمع کرنے اور چھيننے کی اجازت نہيں ديں گے اور خلاف ورزی کرنے والوں کے خلاف آہنی ہاتھوں سے نمٹا جائے۔ سہيل انور سيال نے کہا کہ سيکيورٹی ڈيوٹی پر مامور پوليس اہلکاروں کے کھانے پينے کا مناسب انتظام کيا جائے گا، حساس مساجد، عيدگاہوں کے گرد اسکينرز نصب کئے جائيں گے، تمام صورتحال کو خود مانٹير کروں گا، جبکہ لمحہ بہ لمحہ صورتحال سے آگاہ کيا جائے گا۔
خبر کا کوڈ: 665956