QR CodeQR Code

پاکستان کا دفاع ہم کرینگے، چینی دفتر خارجہ

3 Sep 2017 19:55

چینی ترجمان نے کہا کہ پاکستان دہشتگردی کے انسداد کی کوششوں میں صف اول کے ممالک میں شامل ہے، اس نے اس مقصد کیلئے قربانیاں دی ہیں اور عالمی برادری کو پاکستان کی ان قربانیوں کا اعتراف کرنا چاہئے۔ چین دہشتگردی سے نمٹنے کیلئے پاکستان کیساتھ ملکر کام کریگا کیونکہ یہ تمام فریقوں کے مفاد میں ہے۔


اسلام ٹائمز۔ چینی دفتر خارجہ کے ترجمان نے کہا کہ برکس اجلاس کے موقع پر بھارتی وزیراعظم کی طرف سے اگر پاکستان پر الزامات لگائے گئے تو ایسی صورت میں چین اپنے قریبی اتحادی پاکستان کا دفاع کرے گا۔ انہوں نے کہا کہ دنیا اس سال ہونے والے برکس سربراہ اجلاس کو خصوصی اہمیت دے رہی ہے۔ اجلاس میں یہ موضوع غیر متعلقہ ہوگا اور تمام متعلقہ فریقوں کو اس اجلاس کو کامیاب بنانے کیلئے چین سے قریبی تعاون کرنا چاہئے۔ چینی ترجمان نے کہا کہ پاکستان دہشت گردی کے انسداد کی کوششوں میں صف اول کے ممالک میں شامل ہے، اس نے اس مقصد کیلئے قربانیاں دی ہیں اور عالمی برادری کو پاکستان کی ان قربانیوں کا اعتراف کرنا چاہئے۔ چین دہشت گردی سے نمٹنے کیلئے پاکستان کے ساتھ مل کر کام کرے گا، کیونکہ یہ تمام فریقوں کے مفاد میں ہے۔ چین کا کہنا ہے کہ بھارتی وزیراعظم نریندر مودی 9ویں اجلاس کے موقع پر اس طرز عمل کے اعادے سے گریز کریں کیونکہ ایسی صورت میں کانفرنس کی ناکامی کا اندیشہ ہے۔ واضح رہےکہ برازیل، روس، چین، بھارت اور جنوبی افریقہ پر مشتمل گروپ کے سربراہان کے اجلاس کا آج سے چین کے شہر شیامن میں آغاز ہوگیا ہے اور یہ اجلاس 5 ستمبر تک جاری رہے گا۔


خبر کا کوڈ: 666214

خبر کا ایڈریس :
https://www.islamtimes.org/ur/news/666214/پاکستان-کا-دفاع-ہم-کرینگے-چینی-دفتر-خارجہ

اسلام ٹائمز
  https://www.islamtimes.org