دہشتگردی کا خاتمہ صرف قومی یکجہتی سے ہی کیا جا سکتا ہے، بلاول بھٹو

اسلام ٹائمز۔ پیپلز پارٹی کے چیئرمین بلاول بھٹو زرداری نے باجوڑ ایجنسی میں بم دھماکے کی شدید مذمت کی ہے، جس کے نتیجے میں ایک تحصیلدار فواد علی اور چار اہلکار شہید ہوگئے۔ بم دھماکے کی مذمت کرتے ہوئے بلاول بھٹو زرداری نے کہا کہ دہشتگردی کا خاتمہ صرف قومی یکجہتی سے ہی کیا جا سکتا ہے، جبکہ پیپلز پارٹی انتہاپسندی اور دہشتگردی کے خلاف عظیم اتحاد کیلئے سرگرم عمل رہی ہے۔ بلاول بھٹو زرداری نے لواحقین سے ہمدردی کا اظہار کرتے ہوئے دعا کی کہ اللہ تعالیٰ مرحومین کو اپنے جوار رحمت میں بلند درجات عطا فرمائے اور لواحقین کو صبر جمیل عطا فرمائے۔