اسلام ٹائمز۔ ایم کیو ایم پاکستان کے رکنِ سندھ اسمبلی ندیم رازی نے مصطفیٰ کمال کی پاک سرزمین پارٹی میں شمولیت اختیار کرلی۔ تفصیلات کے مطابق پی ایس پی نے ایم کیو ایم پاکستان کی ایک اور وکٹ گرا دی ہے، ایم کیو ایم پاکستان کے رکن سندھ اسمبلی ندیم رازی نے پی ایس پی میں شمولیت اختیار کرلی، ندیم رازی پی ایس 121 سے رکن سندھ اسمبلی منتخب ہوئے تھے۔ اس موقع پر پریس کانفرنس کرتے ہوئے سربراہ پی ایس پی مصطفیٰ کمال کا کہنا تھا کہ ندیم بھائی کو پاک سرزمین پارٹی میں خوش آمدید کہتا ہوں، ہمارے پاس اب تک لوگوں کے آنے کا سلسلہ جاری ہے، ہم آج بھی وہی بات کر رہے ہیں، جو پہلے دن کی تھی، جبکہ لوگ ہماری سچائی کی وجہ سے پارٹی میں شامل ہوتے جا رہے ہیں۔