اسلام ٹائمز - بھارت دنیا کا سب سے بڑا دہشت گرد ہے، اس لئے بھارت کو اینٹ کا جواب پتھر سے دینا ہو گا، ڈاکٹر سجاد رندھاوا

بھارت دنیا کا سب سے بڑا دہشت گرد ہے، اس لئے بھارت کو اینٹ کا جواب پتھر سے دینا ہو گا، ڈاکٹر سجاد رندھاوا

فیصل آباد میں میڈیا سے گفتگو کرتے ہوئے پی ٹی آئی کے رہنماء کا کہنا تھا کہ بھارتی دہشت گردی پر حکمرانوں کی خاموشی افسوسناک ہے، بھارت لائن آف کنٹرول پر جارحیت کے ساتھ ساتھ آبی جارحیت پر اتر آیا ہے جس کی وجہ سے پاکستانی دریا خشک ہونے کے قریب پہنچ گئے ہیں۔

اسلام ٹائمز۔ پاکستان تحریک انصاف فیصل آباد کے رہنما ڈاکٹر سجاد رندھاوا نے میڈیا سے گفتگو کرتے ہوئے کہا ہے کہ بھارتی دہشت گردی پر حکمرانوں کی خاموشی افسوسناک ہے، بھارت لائن آف کنٹرول پر جارحیت کے ساتھ ساتھ آبی جارحیت پر اتر آیا ہے جس کی وجہ سے پاکستانی دریا خشک ہونے کے قریب پہنچ گئے ہیں، جبکہ ہمارے حکمران خاموش تماشائی بنے ہوئے ہیں۔ انہوں نے کہا کہ بھارت دنیا کا سب سے بڑا دہشت گرد ہے، اس کو پیار کی زبان سمجھ نہیں آتی، اس لئے بھارت کو اینٹ کا جواب پتھر سے دینا ہو گا۔