0
Sunday 22 Oct 2017 23:59

مہاجروں کو متحد ہو کر گرینڈ الائنس کیصورت میں حقوق کیلئے جدوجہد کرنی چاہئے، سلیم حیدر

مہاجروں کو متحد ہو کر گرینڈ الائنس کیصورت میں حقوق کیلئے جدوجہد کرنی چاہئے، سلیم حیدر
اسلام ٹائمز۔ مہاجر اتحاد تحریک کے چیئرمین ڈاکٹر سلیم حیدر نے کہا ہے کہ مہاجروں کو انتشار کے بجائے متحد ہو کر قوم کے حقوق کیلئے جدوجہد کرنی چاہئے، ماضی کے غلط فیصلوں کی وجہ سے پہلے ہی مہاجر عوام ذہنی طورپر کرب کا شکار ہے، مزید الزام تراشیوں کی سیاست کے زیادہ خراب نتائج برآمد ہوں گے، اگر اب بھی سیاسی بردباری، فہم و فراست کا مظاہرہ نہ کیا گیا، تو پھر مہاجروں کی داستاں بھی نہ ہوگی داستانوں میں۔ اپنے ایک بیان میں سلیم حیدر نے کہا کہ برسوں سے مہاجر کارکنان اور عوام قربانیاں دیتے آرہے ہیں، اب مہاجر قیادت کو قربانی دینی ہوگی۔ انہوں نے کہا کہ ہم یہ سمجھتے ہیں کہ اس وقت مہاجروں کو متحد ہو کر گرینڈ الائنس کی صورت میں اپنے حقوق کیلئے جدوجہد کرنی چاہئے اور ہم اسی فلسفے پر کاربند رہتے ہوئے مہاجروں کو گرینڈ الائنس میں شامل کر رہے ہیں، جس سے متفقہ طور پر مہاجر حقوق کی جدوجہد اور آئندہ کے لائحہ عمل طے کیا جا سکے گا۔ انہوںننے کہا کہ اس سلسلے میں مختلف مہاجر قائدین سے ملاقاتیں بھی کرکے انہیں اس بات پر قائل کر رہے ہیں کہ وہ آپس کے اختلافات بھلا کر اتحاد کی صورت میں سیاست کریں۔
خبر کا کوڈ : 678487
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش