0
Thursday 2 Nov 2017 16:32

خیبر پختونخوا حکومت کی اسلام آباد میں دھرنے کی تیاریاں

خیبر پختونخوا حکومت کی اسلام آباد میں دھرنے کی تیاریاں
اسلام ٹائمز۔ خیبر پختونخوا حکومت نے وفاق کی طرف سے صوبائی حقوق اور واجبات کی ادائیگی کے معاملہ پر مسلسل خاموشی کے بعد اگلے ہفتہ اسلام آباد میں دھرنے کی تیاریاں تیز کردی ہیں۔ اس کیلئے اپوز یشن کے ساتھ بھی رابطے کئے جائیں گے۔ صوبائی حکومت رواں ہفتہ وفاق کی طرف سے مثبت جواب کا انتظار کرے گی، مثبت جواب اور عملی اقدام نہ ہونے کی صورت میں اگلے ہفتہ اسلام آباد میں دھرنا دیا جائے گا، جس کی قیادت خود وزیراعلٰی پرویز خٹک کریں گے، جبکہ ان کے ساتھ کابینہ کے اراکین اور اپوزیشن جماعتوں کے پارلیمانی رہنما بھی موجود ہونگے۔ صوبائی حکومت کے ذرائع کے مطابق اس بار نتیجہ خیز دھرنا دیا جائے گا اور خالی ہاتھ واپس نہیں آئیں گے۔ اس سلسلے میں مشاورت جاری ہے اور اگلے ہفتہ کی کسی تاریخ کا اعلان وزیراعلٰی اپوزیشن رہنماؤں اور پارٹی کی مرکزی قیادت سے مشاورت کے بعد کریں گے۔
خبر کا کوڈ : 680904
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش