QR Code

کوئٹہ، دھماکے میں ایڈیشنل آئی جی پولیس سمیت 3 افراد جاں بحق

9 Nov 2017 10:29

پولیس کے مطابق دھماکہ خودکش تھا، حامد شکیل درانی جیسے ہی اپنے گھر سے نکلے چمن ہاؤسنگ اسکیم کے قریب حملہ آور نے ان کی گاڑی کے قریب خود کو دھماکے سے اڑا لیا۔

اسلام ٹائمز۔ کوئٹہ کے حساس علاقے علاقے چمن روڈ پر قاتلانہ حملے میں ایڈشنل انسپیکٹر جنرل (اے آئی جی) بلوچستان پولیس حامد شکیل درانی جاں بحق ہو گئے۔ پولیس ذرائع کے مطابق دھماکے میں اے آئی جی حامد شکیل کے قافلے کو مبینہ خودکش دھماکے کے ذریعے نشانہ بنایا گیا جس ان کے علاوہ مزید دو پولیس اہلکار جاں بحق جبکہ 3 زخمی بھی ہوئے۔ پولیس ذرائع کا مزید کہنا تھا کہ اے آئی جی حامد شکیل چمن ہاؤسنگ اسکیم میں اپنی رہائش گاہ سے نکل رہے تھے جب ان کی گاڑی پر مبینہ خودکش دھماکا کیا گیا۔ واقعے کے بعد ریسکیو عملے نے موقع پر پہنچ کر لاشوں اور زخمیوں کو کوئٹہ کے سول ہسپتال منتقل کیا۔ دھماکے کے فوری بعد قانون نافذ کرنے والے اداروں نے علاقے کو گھیرے میں لے کر علاقے کا سرچ آپریشن شروع کر دیا۔

خبر کا کوڈ: 682268