QR Code
پاراچنار میں گیس لیکیج کے باعث دم گھٹنے سے ماں بیٹی جاں بحق
19 Nov 2017 10:25
ذرائع کیمطابق گزشتہ شب پارا چنار کے علاقہ شینکگ میں وزیرعلی نامی شخص کی اہلیہ اور اسکی بیٹی کمرے میں گیس لیکیج سے جاں بحق ہوگئے۔
اسلام ٹائمز۔ کرم ایجنسی کے سرحدی علاقہ شینکگ میں گیس لیکیج کے باعث دم گھٹنے سے ماں بیٹی جاں بحق ہوگئی۔ ذرائع کے مطابق گزشتہ شب پارا چنار کے علاقہ شینکگ میں وزیرعلی نامی شخص کی اہلیہ شدید سردی کے باعث کمرے میں گیس ہیٹر چلتا چھوڑ کر اپنی بیٹی کے ہمراہ سوگئی تاہم رات کے کسی پہر کمرے میں آکسیجن ختم ہوجانے سے ہیٹر بجھ گیا اور گیس بھر جانے سے دونوں ماں بیٹی بے ہوش ہوگئی، جنہیں علی الصبح گھر کے دیگر افراد نے طبی امداد کے لئے ہسپتال منتقل کردیا جہاں ڈاکٹروں نے ان کی موت موقع پر ہی واقعہ ہونے کی تصدیق کردی۔ دوسری جانب ماں بیٹی کی ہلاکت سے پورا علاقہ سوگوار ہوگیا ہے۔
خبر کا کوڈ: 684320