بنوں جیل میں تشدد سے پاراچنار کا شیر افضل نامی قیدی جاں بحق

اسلام ٹائمز۔ بنوں جیل میں تشدد سے پاراچنار سے تعلق رکھنے والا شیر افضل نامی قیدی جاں بحق ہوگیا۔ تفصیلات کے مطابق 12 روز قبل انہیں انتظامیہ نے منشیات رکھنے کے الزام میں گرفتار کرلیا تھا۔ والدہ شیر افضل کا میڈیا سے بات چیت کرتے ہوئے کہا کہ بنوں جیل منتقلی کے 5 روز بعد انتظامیہ نے ان کے بیٹے کی موت کی خبر دیدی۔ انہوں نے مزید کہا کہ لاش گھر منتقل ہونے پر پتہ چلا کہ انہیں شدید تشدد کا نشانہ بنایا گیا ہے۔ انہوں نے کہا کہ اعلی حکام انہیں انصاف فراہم کریں اور ملوث اہلکاروں کے خلاف کاروائی کریں۔ ڈاکٹروں کے مطابق ان کے گردن اور پسلیاں توڑ دی گئی تھی۔