آرمی پبلک اسکول کے شہدا کو نہیں بھولے، آرمی چیف

اسلام ٹائمز۔ آرمی چیف جنرل قمر جاوید باجوہ کا کہنا ہے کہ آرمی پبلک اسکول کے شہدا کو نہیں بھولے، وہ اب بھی ہمارے دلوں میں بستے ہیں، ان کی قربانیاں رائیگاں نہیں جائیں گی۔ سانحہ اے پی ایس کے شہداء کی برسی پر جنرل قمر جاوید باجوہ نے اپنے پیغام میں کہا کہ وہ آج بھی ہمارے دلوں میں زندہ ہیں، معصوم بچوں اور ان کے بہادر والدین کی عظیم قربانیاں ناقابل فراموش ہیں، ان کا کہنا تھا کہ امن وامان کو بہتر بنانے کیلئے کوشاں ہیں، ملک میں قیام امن کے ذریعے شہداء کی قربانیوں کو یاد رکھیں گے۔