QR Code

امریکا خطے میں اجارہ داری کیلئے بھارت اور افغانستان کا کندھا استعمال کر رہا ہے، ثروت اعجاز قادری

27 Dec 2017 16:20

اپنے ایک بیان میں پاکستان سنی تحریک کے سربراہ نے کہا کہ پاکستان کے احسان اور انسانیت سے ہمدردی کا صلہ بھارت نے کنٹرول لائن پر دہشتگردی سے دیا، عوام اور بالخصوص دہشتگردی میں شہید ہونیوالوں کے ورثاء کلبھوشن یادیو کو پھانسی پر دیکھنا چاہتے ہیں۔

اسلام ٹائمز۔ پاکستان سنی تحریک کے سربراہ محمد ثروت اعجاز قادری نے کہا ہے کہ پاکستان کے احسان اور انسانیت سے ہمدردی کا صلہ بھارت نے کنٹرول لائن پر دہشتگردی سے دیا، عوام اور بالخصوص دہشتگردی میں شہید ہونیوالوں کے ورثاء کلبھوشن یادیو کو پھانسی پر دیکھنا چاہتے ہیں، کلبھوشن نے ملک کے عوام کو دہشتگردی کا نشانہ بنایا ہے، اس کو عبرت کا نشان بنانا ہوگا، پاکستان میں دہشتگردی کو کمزور کر دیا ہے، پاک فوج نے دہشتگردی کے خلاف مثالی نتائج حاصل کئے ہیں، امریکا خطے میں اجارہ داری کیلئے بھارت اور افغانستان کا کندھا استعمال کر رہا ہے۔ اپنے ایک بیان میں ثروت اعجاز قادری نے مزید کہا کہ لائن آف کنٹرول پر بلاجواز بھارتی فوج کی فائرنگ کھلی جارحیت ہے، اقوام متحدہ اور عالمی قوتیں نوٹس لیں، ملک کی سلامتی پر قربان ہونا ہمارے لئے سرمایہ فخر ہے، ایل او سی پر شہید ہونیوالے فوجیوں کو سلام پیش کرتے ہیں۔ انہوں نے کہا کہ دہشتگردی کو جڑ سے ختم کرنے کیلئے پوری قوم اور پاک فوج پُرعزم ہیں۔

خبر کا کوڈ: 692886