چاہتا تھا کہ کل ہی نواز شریف اور شہبازشریف کا دھڑن تختہ کر دیا جائے، شخ رشید

اسلام ٹائمز۔ عوامی مسلم لیگ کے سربراہ شیخ رشید کا کہنا ہے کہ آج پاکستان عوامی تحریک کی ہونے والی آل پارٹیز کانفرنس میں رانا ثنااللہ اور شہباز شریف کے استعفے کے مطالبے کی تاریخ تحریک انصاف اور پاکستان پیپلزپارٹی کی ہدایات پر آگے بڑھائی گئی، دونوں پارٹیز کا موقف تھا کہ انہیں تیاری کے لئے کچھ وقت دیا جائے، میں تو ان حکمرانوں کو ایک دن دینے کے لئے تیار نہیں تھا۔ انہوں نے کہا کہ جمہوریت میں سب کا فیصلہ ہی بڑا فیصلہ ہوتا ہے، میں نے اے پی سی میں کہا کہ اسمبلیوں میں استعفے ان کے منہ پر ماریں، میں تو چاہتا تھا کہ کل ہی نواز شریف اور شہبازشریف کا دھڑن تختہ کر دیا جائے۔ شیخ رشید کہتے ہیں کہ میرا ایمان ہے کہ ان کو مہلت دینا ملک سے دشمنی کے مترادف ہے۔