پختونوا حکومت کا پشاور کی بسیں ویگنیں خریدنے جبکہ ڈرائیورز کو بیروزگاری الاؤنس دینے کا فیصلہ

اسلام ٹائمز۔ صوبائی حکومت نے پشاور میں چلنے والی بسیں اور ویگنیں خریدنے جبکہ ڈرائیوران کو بے روزگاری الاؤنس دینے کا فیصلہ کرلیا۔ بلدیاتی نمائندوں کے اجلاس کے دوران ضلع ناظم نے بتایا کہ بی آر ٹی کی تکمیل پر صوبائی حکومت کی جانب سے مالکان کو نقد قیمت ادا کرکے شہر کی بسوں اور ویگنوں کو سکریپ کردیا جائے گا، جبکہ متاثرہ ڈرائیوران کو ایک سال تک 30 ہزار ماہانہ الاؤنس دیا جائے گا۔ ضلع ناظم کے مطابق منصوبے سے متاثرہ دوکانداروں کو بھی نئی دکانیں ملنے تک ایک سال کیلئے ماہانہ 30 ہزار الؤنس دیا جائے گا۔ خیال رہے کہ بی آر ٹی منصوبے کے تحت گلبہار میں موجودہ فلائی اوور کے متوازی پل کی تعمیر کے حوالے سے بلدیاتی نمائندوں کو اعتماد میں لینے کیلئے یہ اجلاس بلایا گیا تھا۔ ضلعی حکومت کی جانب سے جاری بیان کے مطابق اجلاس کے شرکاء کو منصوبے کے حوالے سے اعتماد میں لیا گیا۔