0
Tuesday 6 Mar 2018 19:36

نادرا دفاتر میں پشتونوں کے ساتھ امتیازی سلوک، سینیٹ کمیٹی نے نوٹس لے لیا

نادرا دفاتر میں پشتونوں کے ساتھ امتیازی سلوک، سینیٹ کمیٹی نے نوٹس لے لیا
اسلام ٹائمز۔ سینیٹ کی قائمہ کمیٹی برائے داخلہ نے نادرا کے دفاتر میں پشتونوں کے ساتھ امتیازی سلوک رواں رکھنے کا نوٹس لے لیا ہے۔ گذشتہ روز کمیٹی اجلاس کے دوران عوامی نیشنل پارٹی کے سینیٹر شاہی سید نے کہا کہ نادرا دفاتر نے ہدایات جاری کئے ہیں کہ شناختی کارڈ کے حصول، ری نیو کرنے یا شناختی کارڈ سے متعلق دیگر امور کے لئے دفتر آنے والے پشتونوں سے پہلے ہیلپ ڈیسک پر انٹرویو لیا جائے اور بعد میں انہیں ٹوکن فراہم کیا جائے۔ شاہی سید نے نادرا کے اس اقدام پر شدید غم و غصے کا اظہار کرتے ہوئے کہا کہ اس سے سارے پختونوں کی دل آزاری ہوئی ہے۔ اس موقع پر کمیٹی چیئرمین رحمٰن ملک نے بھی نادرا کے اس اقدام کو امتیازی قرار دیا اور اس کی شدید مذمت کرتے ہوئے سیکرٹری داخلہ سے معاملے کی تحقیقات کرانے کا مطالبہ کیا اور نادرا چیئرمین سے یہ احکامات واپس لینے سمیت کمیٹی کے سامنے پیش ہونے کی ہدایات جاری کردیں۔
خبر کا کوڈ : 709513
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش