0
Wednesday 7 Mar 2018 19:50

خیبر ایجنسی کے علاقے جمرود میں موٹر سائکل چلانے پر پابندی عائد

خیبر ایجنسی کے علاقے جمرود میں موٹر سائکل چلانے پر پابندی عائد
اسلام ٹائمز۔ سکیورٹی فورسز نے خیبر ایجنسی کے علاقے جمرود میں موٹر سائیکل سواری پر غیر معینہ مدت کیلئے پابندی عائد کرتے ہوئے عوام کو اسلحہ جمع کرانے کی ہدایت کی ہے۔ سکیورٹی فورسز کی جانب سے جاری بیان کے مطابق موٹر سائیکل سواری پر پابندی سکیورٹی خدشات کے باعث عائد کی گئی ہے۔ بیان میں جمرود کے عوام کو ہدایت کی گئی کہ 17 مارچ تک اپنے اسلحے کا 215 ونگ سوات سکاؤٹس یا پولیٹیکل انتظامیہ کے ساتھ اندراج یقینی بنائیں، جس کیلئے رجسٹریشن فارم فورسز کے ہیڈکوارٹر پمپ ہاڑس غنڈی، بچہ نہر، سخی پل پوسٹ، ولو میلہ پوسٹ اور ماربل فیکٹری پوسٹ سے حاصل کئے جاسکتے ہیں۔ سکیورٹی فورسز کی جانب سے تنبیہ کی گئی کہ مقررہ تاریخ کے بعد ہر قسم کا اسلحہ غیرقانونی قرار اور سرکاری تحویل میں لیا جائے گا۔ واضح رہے کہ آج سے چند روز قبل جمرود بازار میں ٹارگٹ کلنگ کی واردات کے دوران نامعلوم افراد نے لیویز فورسز کے حوالدار کو فائرنگ کرکے قتل کردیا تھا۔
خبر کا کوڈ : 709784
رائے ارسال کرنا
آپ کا نام

آپکا ایمیل ایڈریس
آپکی رائے