اسلام ٹائمز۔ رائیونڈ میں تبلیغی اجتماع کے خاتمے پر تبلیغی جماعت کے کارکنوں نے جہاں بسوں، ویگنوں میں سفر کیا وہیں ریل گاڑی کے ذریعے میں ہزاروں کارکنوں نے واپسی کا سفر کیا۔ اس دوران پاکستان ریلوے کی خصوصی چھاپہ مار ٹیمیں بھی متحرک رہیں اور 794 تبلیغی کارکنوں کو گرفتار کیا گیا جو بغیر ٹکٹ سفر کر رہے تھے۔ بغیر ٹکٹ سفر کرنیوالے مسافروں سے ریلوے انتظامیہ نے کرائے اور جرمانے کی مد میں 12 لاکھ 12 ہزار 110 روپے وصول کئے۔ ڈی سی او ریلوے کا کہنا تھا کہ بغیر ٹکٹ سفر کرنیوالوں کیخلاف کریک ڈاؤن بھی جاری رہا۔ علاوہ ازیں رائیونڈ اجتماع کی بدولت ایک دن میں ریلوے کو 28 لاکھ 24 ہزار 560 روپے آمدن ہوئی۔