اسلام ٹائمز - پشاور کی ضلعی انتظامیہ 30 لاکھ پودے لگائے گی

ترجمان ضلعی انتظامیہ کیمطابق پشاور کی ضلعی انتطامیہ ماحولیاتی آلودگی کے خاتمے کیلئے 30 لاکھ سے زائد پودے لگائے جارہے ہیں، اس مہم میں لوکل کمیونٹی کو بھی شامل کیا جائے گا اور ان کو فری پودے دیئے جائیں گے۔

اسلام ٹائمز۔ ضلعی انتظامیہ پشاور محکمہ جنگلات کے تعاون سے ماحولیاتی آلودگی کے خاتمے کیلئے پشاور میں 30 لاکھ پودے لگائے جارہے ہیں۔ ترجمان ضلعی انتظامیہ کے مطابق پشاور کی ضلعی انتطامیہ ماحولیاتی آلودگی کے خاتمے کیلئے 30 لاکھ سے زائد پودے لگائے جارہے ہیں، اس مہم میں لوکل کمیونٹی کو بھی شامل کیا جائے گا اور ان کو فری پودے دیئے جائیں گے۔ مہم میں رضاکار فورس میں شامل 3 ہزار سے زیادہ ممبران بھی شامل ہوں گے۔ انتظامیہ کے مطابق ماحولیاتی آلودگی کے خاتمے کیلئے ضروری ہے کہ ہم زیادہ سے زیادہ پودے لگائیں جبکہ عوام مہم میں بڑھ چڑھ کر حصہ لیں اور آلودگی کے خاتمے میں اپنا مثبت کردار ادا کریں۔ محکمہ جنگلات اور ضلعی انتطامیہ نے کچھ پودے بھی لگائے۔