اسلام ٹائمز۔ مچنی مہمند ایجنسی کے طلباء، سیاسی اور سماجی تنظیموں نے غیر قانونی ڈومیسائل بنانے کیخلاف فاٹا سیکرٹریٹ کے سامنے دھرنا دیا اور انتظامیہ کیخلاف شدید نعرے بازی کی۔ جس میں قبائلی رہنما گل نواز مہمند، ارشد خان، ابراہیم خان اور اکبر شیر نے شرکت کی۔ انہوں کہاکہ پولیٹیکل انتظامیہ اور بعض ملکان نے بندوبستی علاقوں کے لوگوں کیلئے غیرقانونی ڈومیسائل بنائے ہیں اور وہ اسے تعلیمی اداروں میں داخلوں کیلئے استعمال کر رہے ہیں، جس سے قبائلی طلبہ کی حق تلفی ہو رہی ہے۔ انہوں نے مطالبہ کیا کہ تمام جعلی ڈومیسائل منسوخ کرکے نئے ڈومیسائل بنانے کیلئے اصول طے کئے جائیں۔