اسلام ٹائمز۔ ڈسٹرکٹ مجسٹریٹ و ڈپٹی کمشنر گلگت کیپٹن (ر) سمیع اللہ فاروق نے ضلع گلگت میں دفعہ 144 نافذ کر دی ہے۔ تفصیلات کے مطابق کیپٹن ریٹائرڈ سمیع اللہ فاروق نے ضلع گلگت میں ڈسٹرکٹ مجسٹریٹ کی حیثیت سے دفعہ 144 نافذ کر دی ہے۔ ڈپٹی کمشنر آفس گلگت سے جاری بیان کے مطابق گلگت میں دریا پر نہانے، گاڑیاں دھونے، کپڑے وغیرہ دھونے اور ریت و بجری نکالنے پر دفعہ 144 نافذ کر دی گئی ہے۔ انہوں نے اپنے بیان کے ذریعے واضح کر دیا ہے کہ دفعہ 144 کی خلاف ورزی کرنے کی صورت میں سخت سے سخت قانونی کارروائی عمل میں لائی جائے گی۔