QR Code

ایم کیو ایم کے ایک اور رکن اسمبلی حاجی انور رضا مصطفیٰ کمال کی پارٹی میں شامل

11 Apr 2018 16:28

حاجی انور کا کہنا ہے کہ ایم کیو ایم مفاد پرستوں کی جماعت بن گئی ہے، اس لیے پارٹی چھوڑنے کا فیصلہ کرلیا۔ حاجی انور پی ایس 102 کراچی سے منتخب ہوئے تھے۔

اسلام ٹائمز۔ متحدہ قومی موومنٹ پاکستان (ایم کیو ایم) کے ایک اور رکن سندھ اسمبلی حاجی انور رضا نے پارٹی سے ناطہ توڑ کر پاک سرزمین پارٹی (پی ایس پی) میں شمولیت اختیار کرلی۔ تفصیلات کے مطابق پی ایس پی نے ایم کیو ایم کی اور پتنگ کاٹ دی ہے۔ ایم کیو ایم کے رکن سندھ اسمبلی حاجی انور رضا نے پاک سرزمین پارٹی کے چیرمین مصطفیٰ کمال اور صدر انیس قائم خانی سے ملاقات کی ہے۔ ذرائع کے مطابق رکنِ سندھ اسمبلی حاجی انور نے پاک سرزمین پارٹی میں شمولیت کا فیصلہ کرلیا۔ حاجی انور کا کہنا ہے کہ ایم کیو ایم مفاد پرستوں کی جماعت بن گئی ہے، اس لیے پارٹی چھوڑنے کا فیصلہ کرلیا۔ حاجی انور پی ایس 102 کراچی سے منتخب ہوئے تھے۔ واضح رہے کہ ایم کیو ایم کے متعدد رہنما اور کارکنان پارٹی چھوڑ کر پی ایس پی میں شمولیت اختیار کر چکے ہیں۔ حال ہی میں اس لہر میں کافی تیزی آئی ہے اور گزشتہ چند روز کے دوران ایم کیو ایم کے 6 ارکان قومی و صوبائی اسمبلی پی ایس پی میں شمولیت کا اعلان کر چکے ہیں۔ ان میں سلیم بندھانی، محبوب عالم، سیف الدین خالد اور محمد کامران شامل ہیں۔

خبر کا کوڈ: 717229