اسلام ٹائمز۔ حریت رہنما یاسین ملک کی اہلیہ مشال ملک نے کہاکہ کشمیر کی آزادی کی جنگ خون کے آخری قطرے تک لڑیں گے، بھارت کا غاصبانہ قبضہ اب زیادہ دیر تک قائم نہیں رہ سکتا، اقوام متحدہ گونگی بہری ہو چکی، اسے لاکھوں مظلوموں کی چیخیں سنائی نہیں دیتیں، یاسین ملک سمیت تمام حریت رہنما کشمیری قوم کے ہیرو ہیں جنہوں نے ہمیشہ حق خودارادیت کیلئے آواز بلند کی۔ ان خیالات کا اظہار انہوں نے تحریک فکر اسلام کے مرکزی رہنما پیر سید مخدوم عباس کی دعوت پر دربار عالیہ بھنگالی شریف میں تقریب سے خطاب کرتے ہوئے کیا۔ پیر مخدوم عباس نے کہا کہ ہم کشمیری بھائیوں سے اظہار یکجہتی کرتے ہیں۔